,,ბუზების ღმერთი": ადამიანის ცნების განმარტება და დიქტატორული ხანის რეალისტური ზღაპარი

ანოტაცია

,,ბუზების ღმერთი" ინგლისელი მწერლის უილიამ გოლდინგის ანტი-უტოპიური ნაწარმოებია, რომელშიც აღწერილია უკაცრიელ კუნძულზე მცხოვრები 5-12 წლის ასაკის ბავშვების ცხოვრება. ნაჩვენებია, ადამიანის პრიმიტიული მხარეების გამოვლენის თავისებურებები. რომანის გმირებად ბაშვშვების შერჩევა ექსპერიმენტატორული მეთოდის საშუალებით ცივილიზაციისა და მისი ნორმებისგან, სწავლებისგან, აღზრდისგან, სოციალური ნორმებისგან დაშორებული ადამიანის შიშველი ბუნების გამოვლენას განაპირობებს. უკაცრიელი კუნძული მნიშვნელოვანია გარე ფაქტორების ზემოქმედებისაგან შორს, პრიმიტული მისწრაფებების უკეთესად გამოსავლენად. სტატიაში განხილულია ადამიანის ცნების შესახებ არსებული თეორიები, გაანალიზებულია ცივილიზაციისგან შორს მყოფი ადამიანის გაველურების საკითხები. კვლევის შედეგად დასტურდება, რომ კანონების, მორალური ნორმების, სოციალური წესრიგის გარეშე არსებულ სამყაროში ადამიანის ბუნებაში იღვიძებს და ვლინდება პრიმიტივიზმი. ასეთი საკითხის შერჩევა აქტუალურია ჩვენს რეგიონთან ახლოს მდებარე გეოგრაფიულ არეალში მიმდინარე ძალადობისა და სიძულვილის უფრო უკეთ აღსაქმელად.