შიომღვიმის მონასტრის ტიპიკონის ისტორიისათვის

ანოტაცია

შიომღვიმის მამათა მონასტრის ტიპიკონი XII საუკუნის დასაწყისისა
მრავალმხრივ მნიშვნელოვანი და საყურადღებო
დოკუმენტია. ეს არის პალესტინის საბა განწმენდილის ტიპიკონის
სვიმეონწმიდური (ანტიოქია, შავი მთა) რედაქცია, რომელიც
დიდმა ქართველმა მოღვაწემ არსენ იყალთოელმა თარგმნა
და მისივე ინიციატივით დავით აღმაშენებელმა სახელმძღვანელოდ
დააწესა მის მიერ ახლად აშენებულ ღვთისმშობლის მიძინების სახელობის ეკლესიაში.
შიომღვიმის ტიპიკონი მთელ საქართველოში გავრცელდა,
მაგრამ მთლიანად ვერ განდევნა მანამდე არსებული გიორგი
მთაწმიდლის ,,დიდი სÂნაქსარი” (XIV-XV საუკუნემდე კიდევ
გამოიყენებოდა), რისი კვალი განსახილველ ტექსტში იძებნება.
შიომღვიმის ტიპიკონის დედანი არ შემორჩენილა. დღემდე
მოღწეულია 18 ხელნაწერი _ უძველესი, ე.წ. ,,შიომღვიმის ტიპიკონი"
XII ს.-ის შუახანებისაა _ და უამრავი ფრაგმენტი.